Die Koning van Boesmansriviermond

Posted on July 28, 2016 at 5:35 pm by Die_Wasgoedlyn / 0

By Boesmansriviermond was dit kinderspeletjies

So bietjie meer as 120km noord van Port Elizabeth vind jy Boesmansriviermond, waar gasvryheid en langarm niks vreemds is nie.

Hier het Die Wasgoedlyn saam met Jacques de Coning, eienaar van Bushman’s Bar and Grill so bietjie musiek gemaak en twak gepraat.

By BBG’s, soos die locals dit noem, is die atmosfeer soortgelyk aan jou sitkamer. Dit voel asof jy vir familie kuier en die regulars verduidelik jou gou dat dit ook hul plan is om jou “aan te neem”.

Die uitsig van hul stoep af is ook nie te versmaai nie.

Regs voor die kroeg, so paar meter voor die ingang sit Pierre. Pierre groet met die linkerhand want hy het so paar jaar gelede sy regter in ‘n fratsongeluk verloor.

Hy rol sy sigaret met die een hand en vra dat ons hom moet laat weet as hy te veel geraas maak. Die manne lyk lus vir lekker kuier.

Van die gaste sluit in Springbok spandokter Dr Conrad von Hagen en sy gesin.

Riku besluit daar en dan om ‘n paar snitte van sy album Janneman in die Diereryk te speel. Vir die kinders.

Janneman in die Diereryk is ‘n oulike album wat so paar jaar gelede opgeneem is toe ‘n klompie van ons jou gunsteling kunstenaars ouers geword het.

Ons bra Bacchus Nel vertolk die rol van ‘n mol soos niemand ander kan. Albert Frost speel natuurlik kitaar en is die Kaapsebobbejaantjie.

By Boesmansriviermond is nie net die dorp se naam ‘n mondvol nie. Die De Conings maak ook ‘n burger wat diè kenner daartoe gedryf het om daaroor te moet skryf.

Grote is nie alles nie. Die geheim lê natuurlik in die patty. Ons leer later dit is ‘n De Coning resep.

Vir die familie wat in BBG’s kuier sorg Jacques dat daar aan elke versoek voldoen word as hy saam met Riku, wat vir ‘n slag die baskitaar tokkel, op die verhoog klim.

Dit was amper ‘n geval van “sing vir my so stukkie dan speel ek die res.” En so hier en daar het iemand begin dans.

Op die dromme is daar ‘n man met die naam Fernando.

“Yes we could hear the drums Fernando, dit was baie cool,” vertel Riku,